Дорогі моєму серцю всечестні отці, брати і сестри, вірні чада Запорізької єпархії Української Православної Церкви!
21 листопада вся повнота Православної Церкви буде святкувати Собор Архістратига Божого Михаїла і всіх Небесних Сил. Церква вчить, що Ангелів Бог створив за Своїм образом. Це безтілесні, розумні, чисті істоти, подібні до духу. Вони щедро наділені Богом природними дарами: розумом, здатністю пізнавати і любити як свого Творця, так і людей, бути живим взірцем Божих досконалостей. Вони вірні слуги Божі, виконавці Його волі. Деякі з Ангелів, за словами преподобного Іоанна Дамаскіна, «охороняють області землі, і управляють народами і країнами, відповідно до того, як велить їм Творець». Спаситель також говорить про Ангелів, приставлених до окремих людей: «Дивіться, не зневажайте жодного з малих цих, бо кажу вам, що Ангели їх на небесах завжди бачать лице Отця Мого Небесного» (Мф. 18:10). Наші Ангели-Хранителі йдуть від Бога до нас, щоб принести нам Його благодать; вони ж підносяться від нас до Бога, щоб передати Йому наші молитви і подяки.
В цей день, коли ми чтимо все небесне воїнство, я закликаю вас, дорогі мої, до сугубої молитви за мир на нашій землі, за єдність і силу нашої України, за зміцнення віри кожного вірного її чада. У всіх храмах Запорізької єпархії після Божественної Літургії буде відслужено особливий молебень «щоб ненависть, ворожнеча, образи і всяке беззаконня припинилися, істинна ж любов нехай панує в людях землі Української».
Наших щирих молитв чекає весь народ України: військові в окопах, лікарі біля поранених, робітники на станках. Діти й онуки, матері й батьки, бабусі й дідусі — всі вірні чада Української Православної Церкви мають молитвено об'єднатися заради майбутнього нашого народу, нашої Держави.
Тож піднімімо молитви до ревнителя і грізного охоронця Престолу Божого Архістратига Михаїла, всіх незримих Сил Бесплотних і, передусім, наших Ангелів-Хранителів, щоб нам були даровані чисте серце, мирний дух, палка міцна віра і на землі нашій мир.
З любов'ю у Господі, закликаю на вас Боже благословення,
+ЛУКА
МИТРОПОЛИТ ЗАПОРІЗЬКИЙ І МЕЛІТОПОЛЬСЬКИЙ
МОЛЕБЕН
о мире и прекращении вооруженного противостояния
в день празднования Собора Архистратига Божия Михаила и прочих Небесных Сил бесплотных
Иерей: Благослове́н Бог наш, всегда, ны́не и при́сно и во ве́ки веко́в.
Лик: Аминь.
Диакон: Сла́ва Тебе́, Бо́же наш, сла́ва Тебе́.
Лик: Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́стины от вся́кия скве́рны, и спаси́, Бла́же, ду́ши на́ша.
Чтец: Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй, трижды. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Отче наш, Иже еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Иерей: Яко Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.
Чтец: Ами́нь. Таже: Го́споди, поми́луй, 12.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Прииди́те, поклони́мся Царе́ви на́шему Бо́гу. Прииди́те, поклони́мся и припаде́м Христу́, Царе́ви на́шему Бо́гу. Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом 90
Живы́й в по́мощи Вы́шняго, в кро́ве Бо́га Небе́снаго водвори́тся. Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́. Яко Той изба́вит тя от се́ти ло́вчи и от словесе́ мяте́жна, плещма́ Свои́ма осени́т тя, и под криле́ Его́ наде́ешися: ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тме преходя́щия, от сря́ща и бе́са полу́деннаго. Паде́т от страны́ твоея́ ты́сяща, и тма одесну́ю тебе́, к тебе́ же не прибли́жится, оба́че очи́ма твои́ма смо́триши и воздая́ние гре́шников у́зриши. Яко Ты, Го́споди, упова́ние мое́, Вы́шняго положи́л еси́ прибе́жище твое́. Не прии́дет к тебе́ зло, и ра́на не прибли́жится телеси́ твоему́, я́ко Ангелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́, на а́спида и васили́ска насту́пиши, и попере́ши льва и зми́я. Яко на Мя упова́, и изба́влю и́, покры́ю и́, я́ко позна́ и́мя Мое́. Воззове́т ко Мне, и услы́шу eго́, с ним есмь в ско́рби, изму́ eго́ и просла́влю eго́, долгото́ю дний испо́лню eго́ и явлю́ eму́ спасе́ние Мое́.
Слава Отцу и Сыну и святому Духу и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. (Трижды)
И Бог Господь, во глас 1:
Бог Госпо́дь и яви́ся нам, благослове́н Гряды́й во и́мя Госпо́дне.
Стих 1: Испове́дайтеся Го́сподеви, я́ко благ, я́ко в век ми́лость Его́.
Стих 2: Обыше́дше обыдо́ша мя и и́менемГоспо́дним противля́хся им.
Стих 3: Не умру́, но жив бу́ду и пове́м дела́ Госпо́дня.
Стих 4: Ка́мень, его́же небрего́ша зи́ждущии, сей бысть во главу́ у́гла, от Го́спода бысть сей и есть ди́вен во очесе́х на́ших.
Тропарь, глас 1:
Спаси́, Го́споди, лю́ди Твоя́, и благослови́ достоя́ние Твое́, побе́ды на сопроти́вныя да́руя, и Твое́ сохраня́я Кресто́м Твои́м жи́тельство.
Тропарь, глас 4:
Небесных воинств Архистратизи, молим вас присно мы недостойнии: да вашими молитвами оградите нас кровом крил невещественныя вашея славы, сохраняюще ны припадающыя прилежно, и вопиющыя: от бед избавите ны, яко чиноначальницы вышних сил.
Тропарь, глас 5:
Церкви верный сын явился еси, Петре-козаче праведный, во страданиих терпелив быв, от земли отцев твоих отлучен, Небеснаго Отечества достигл еси, и гонения терпеливодушно претерпев, дерзновение имаши молитися к Подвигоположнику Христу спастися душам нашим.
Слава, глас 6:
Иерусалима Вышняго граждан, от земли нашея возсиявших и Богу во всяком чине и всяким подвигом угодивших, приидете воспоим вернии: о всеблаженнии земли Запорожской заступницы, молитеся ко Господу, да помилует сию от гнева Своего, исцеляя сокрушение ея, и верных людей своих утешит.
И ныне, кондак, глас 3:
Дева днесь предстоит в церкви и с лики святых невидимо за ны молится Богу, Ангели со архиереи покланяются, апостоли же со пророки ликовствуют: нас бо ради молит Богородица Превечнаго Бога.
Диакон: Во́нмем. Прему́дрость.
Проки́мен, глас 7: Госпо́дь кре́пость лю́дем Свои́м да́ст, Госпо́дь благослови́т лю́ди Своя́ ми́ром.
Сти́х: Кро́тцыи насле́дят зе́млю и насладя́тся о мно́жестве ми́ра
Апо́стол ко Ефесе́ем, зача́ло 221 (Еф 2:14–22)
Бра́тие, Христо́с есть мир наш, сотвори́вый обоя́ еди́но, и средосте́ние огра́ды разори́вый, вражду́ Пло́тию Свое́ю, зако́н за́поведий уче́ньми упраздни́в, да о́ба сози́ждет Собо́ю во еди́наго но́ваго челове́ка, творя́ ми́р, и примири́т обо́их во еди́нем те́ле Бо́гови кресто́м, уби́в вражду́ на не́м. И прише́д благовести́ ми́р вам, да́льним и бли́жним, зане́ Тем и́мамы приведе́ние о́бои во еди́нем Ду́се ко Отцу́. Те́мже убо ктому́ не́сте стра́нни и прише́льцы, но сожи́телие святы́м и при́снии Бо́гу, назда́ни бы́вше на основа́нии Апо́стол и проро́к, су́щу краеуго́льну Самому́ Иису́су Христу́, о не́мже вся́ко созда́ние составля́емо расте́т в це́рковь святу́ю о Го́споде, о не́мже и вы созида́етеся в жили́ще Бо́жие Ду́хом.
Аллилу́иа, глас 4: Вопроси́те яже о ми́ре Иерусали́ма.
Евангелие от Иоанна, зачало 48 от полу (Ин 14:21–27)
Рече́ Госпо́дь Свои́м ученико́м: име́яй за́поведи Моя́ и соблюда́яй их, то́й е́сть любя́й Мя, а любя́й Мя возлю́блен бу́дет Отце́м Мои́м, и Аз возлюблю́ его́ и явлю́ся ему́ Сам. Глаго́ла Ему Иу́да не Искарио́тский: Го́споди, и что бы́сть, я́ко нам хо́щеши яви́тися, а не мі рови? Отвеща́ Иису́с и рече́ ему́: а́ще кто лю́бит Мя, сло́во Мое́ соблюде́т, и Оте́ц Мо́й возлю́бит его́, и к нему́ пріи́дема и оби́тель у него́ сотвори́ма. Не любя́й Мя слове́с Мои́х не соблюда́ет, и сло́во, е́же слы́шасте, не́сть Мое́, но посла́вшаго Мя Отца́. Сия́ глаго́лах ва́м в ва́с сы́й: Утешитель же, Ду́х Святы́й, Его́же по́слет Оте́ц во и́мя Мое́, то́й вы́ научи́т всему́, и воспомяне́т ва́м вся́, я́же рех ва́м. Ми́р оставля́ю ва́м, ми́р Мо́й даю́ ва́м: не я́коже мір дае́т, Аз даю́ ва́м.
На сугубой ектении прошения:
Еще́ мо́лимся, о еже ми́р и тишину́ всели́ти в зе́млю на́шу, украи́нскую, и изба́вити на́с от вся́кого врага́ и супоста́та. Се́рдцем сокруше́нным взыва́ем Тебе́, Го́споди, Исто́чниче любве́ и милосе́рдия, Великодарови́тый Защи́тниче на́ш, ско́ро услы́ши и ми́лостивно поми́луй.
Еще молимся и о еже милостивым оком призрети на люди земли Запорожския и сотворити ю непреобориму от раздоров и разделений, молим Тя, Милосердый Господи, услыши и помилуй.
Еще молимся и о еже просветити светом Своего Богоразумия ожесточением помраченных, раненых исцелити и мир стране нашей даровати, молим Тя, Всесильный Творче, услыши и помилуй.
Еще молимся Господу Богу нашему, еже услышати Ему глас молитвы нашей и милостиву и долготерпеливу и умилену быти и тиху Человеколюбцу Богу о гресех наших и помиловати нас, и отвратити гнев Свой праведный от нас, и избавити нас от належащего и праведного Его прещения, и сохранити град наш Запорожье, и вся грады и веси и всю землю Запорожскую, от глада, губительства, земли трясения и потопа, огня и меча, мора, нашествия иноплеменного и междуусобныя брани, и избавити нас от належащих бед сих, и дати рабом Своим тихое и мирное время, и утешити скорбящих людий Своих, вопием все со умилением: Господи Святый, услыши и помилуй.
Еще молимся о милости, жизни, мире, здравии, спасении, посещении, прощении и благословении рабов Божиих, пастырей и всех православных людей земли Запорожской и о еже умножити им лета жития их, избавити их от всякия болезни душевныя и телесныя и простити им всякое прегрешение, вольное и невольное.
Давый заповедь Твою нам, еже любити Тебе Бога нашего и ближняго своего, сотвори, да ненависть, вражда, обиды и прочая беззакония прекратятся, истинная же любовь да царствует в людех земли Запорожския молим Ти ся, Спасителю наш, скоро услыши и милостивно помилуй.
Возглас: Услы́ши ны, Бо́же, Спа́сителю наш, упова́ние всех конце́в земли́ и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших, и поми́луй ны. Ми́лостив бо и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Молитва
Владыко Вседержителю, Господи многомилостивый, приими коленопреклонныя молитвы и смиренныя слезы наша, приносимыя пред Святым Алтарем Твоим в сие время беды и скорби народа Твоего, приими предстательство всех святых сродников наших, коих призываем ныне на помощь и заступление, дабы свет любве Твоея, явленныя на Кресте Твоем, просветил всякаго человека страждущаго в мире сем, во тьме вражды и беззаконий сущем.
Приими ходатайство святаго и благовернаго князя Владимира, крестителя и просветителя земли нашея; приими молитву страстотерпцев святых Бориса и Глеба, научающих не поднимати руки своея на брата своего; приими заступничество угодников Твоих Антония и Феодосия и с ними всех преподобных мужей и жен, слезами покаяния души свои паче снега убеливших; прими кротость и покаяние святаго праведного Петра Калнышевского, приими подвиги новомучеников и исповедников, страданиями своими спасительную веру в Тя нам сохранивших; приими прошения всех святых Церкве Твоея, трудами своими землю нашу освятивших. Наипаче приими молитвенный Покров Пресвятыя Матере Твоея, Владычицы нашея Богородицы и Приснодевы Марии, Ея же непостыдным предстательством люди Твоя многажды избавленни быша от всякия вражды и междуусобныя брани.
Услыши ны, Боже, Спасителю наш, и милостив, милостив буди Владыко ко всем страждущим и обремененным, и остави нам долги наша, научая и нас оставляти обиды должником нашим, и преклони гнев Твой на милость Твою, усмиряя всякия крамолы и нестроения в державе нашей, яко Ты еси един благий и человеколюбивый Бог наш, и Тебе славу возсылаем Отцу и Сыну и Святому Духу, ныне и присно и во веки веков. Аминь.
Моли́тва иная (далее чтение на усмотрение иерея)
Влады́ко Вседержи́телю, Го́споди Иису́се Христе́ Бо́же на́ш, при́зри ми́лостивно с высоты́ человеколю́бия Твоего́ на во́пль и стена́ние наро́да украи́нского, в ско́рби су́щаго.
Ве́мы Го́споди, яко грехми́ и беззако́нии на́шими прогне́ваша Твою́ бла́гость, но умилосе́рдися и поми́луй нас; не отврати́ Лица́ Твоего́ от нас в смяте́нии и печа́ли су́щих. Да́руй нам всеси́льную благода́ть Твою́: вла́сти умудри́, во́инство на́ше му́жеством укрепи́, споспе́шствуй им во все́м благопотре́бном, лише́нныя кро́ва введи́ в до́мы, плене́нныя изба́ви, неду́гующия исцели́, отча́янныя уте́ши, на по́ле бра́ни жи́знь свою́ положи́вших ми́лости Твое́й сподо́би и вся́ лю́ди твоя́ сохрани́ от врага́ и супоста́та.
Мо́лимся Тебе́, Бо́же наш, да бу́дут у́ши Твои́ вне́млюще гла́су моле́ния на́шего, не отврати́ Лица́ Твоего́ от воздыха́ний на́ших и не оста́ви Оте́чество на́ше Правосла́вное. Пода́ждь, Го́споди, вожделе́нный мир и спасе́ние все́м на Тя упова́ющим и призыва́ющим Имя Твое́, моли́твами Преблагослове́нныя Ма́тери Твоея́ и Влады́чицы на́шея Богоро́дицы, свято́го крести́теля и просвети́теля на́шего вели́кого и равноапосто́льного кня́зя Влади́мира, святаго праведного Петра Калнышевского и все́х святы́х земли́ на́шея.
Ты бо еси́ кре́пость и утвержде́ние, по́мощь и побе́да ве́рно на Тя упова́ющих и Тебе́ сла́ву воссыла́ем со безнача́льным Твои́м Отце́м и Пресвяты́м Ду́хом, ны́не и при́сно и во ве́ки веко́в. Ами́нь.
Молитва о православных воинех:
Господи Боже Вседержителю, присно о людех Твоих любовию промышляяй и ко спасению всех направляяй, у Негоже власы вся на главах человеческих изочтени суть.
Смире́нно мо́лим Тя: рабо́в Твои́х, во́инов, и́мя рек, в тя́готах слу́жбы ратныя укрепи́, упова́нием и ве́рою уте́ши, благода́тию Твое́ю на по́ле бра́ни, покрывающе их и сохраняюще.
Да по́двиг любве в служении ближним и Отечествию своему соверши́вше, здра́вы и неврежде́нны в до́мы своя́ возвратя́тся, хва́ляще Тя, Еди́наго Бо́га, Творца́ и Промысли́теля на́шего, Отца́ и Сы́на и Свята́го Ду́ха. Ами́нь.
Молитва Архистратигу Михаилу
Святы́й и вели́кий Арха́нгеле Бо́жий Михаи́ле, неисповеди́мыя и пресу́щественныя Тро́ицы пе́рвый во А́нгелех предстоя́телю, ро́да же челове́ческаго приста́вниче и храни́телю, сокруши́вый с во́инствы свои́ми главу́ прего́рдаго денни́цы на Небеси́ и посрамля́яй вы́ну зло́бу и кова́рства его́ на земли́! К тебе́ прибега́ем с ве́рою и тебе́ мо́лимся с любо́вию: бу́ди щит несокруши́м и забра́ло тве́рдо Святе́й Це́ркви и Правосла́вному Оте́чествию на́шему, огражда́я их молниено́сным мече́м твои́м от всех враг, ви́димых и неви́димых. Не оста́ви же, о, Арха́нгеле Бо́жий, по́мощию и заступле́нием твои́м и нас, прославля́ющих днесь свято́е и́мя твое́: се бо, а́ще и многогре́шни есмы, оба́че не хо́щем в беззако́ниих на́ших поги́бнути, но е́же обрати́тися ко Го́споду и оживле́нным быти от Него́ на дела́ блага́я. Озари́ у́бо ум наш све́том лица́ Бо́жия, и́же вы́ну сия́ет на молниеви́днем челе́ твое́м, да возмо́жем разуме́ти, что есть во́ля Бо́жия о нас блага́я и соверше́нная, и ве́дети вся, я́же подоба́ет нам твори́ти и я́же презира́ти и оставля́ти. Укрепи́ благода́тию Госпо́днею сла́бую во́лю и немощно́е произволе́ние на́ше, да, утверди́вшеся в зако́не Госпо́днем, преста́нем про́чее вла́ятися земны́ми по́мыслы и увлека́ющеся скороги́бнущими красо́тами ми́ра сего́, я́ко ра́ди тле́ннаго и земна́го забыва́ти ве́чная и небе́сная. Над все́ми же си́ми испроси́ нам свы́ше дух и́стиннаго покая́ния, нелицеме́рную печа́ль по Бо́зе и сокруше́ние о гресе́х на́ших, да остаю́щее нам число́ дней вре́меннаго живота́ на́шего иждиве́м не во угожде́нии чувств и рабо́те страсте́м на́шим, но во изглажде́нии зол, соде́янных на́ми, слеза́ми ве́ры и сокруше́ния серде́чнаго, по́двигами чистоты́ и святы́ми дела́ми милосе́рдия. Егда́ же прибли́зится час оконча́ния на́шего, освобожде́ния от уз бре́ннаго сего́ телесе́, не оста́ви нас, Арха́нгеле Бо́жий, беззащи́тных проти́ву духо́в зло́бы поднебе́сных, обы́кших прегражда́ти душе́ челове́честей восхо́д в го́рняя, да, охраня́еми тобо́ю, безпреткнове́нне дости́гнем о́ных пресла́вных селе́ний ра́йских, иде́же несть печа́ль, ни воздыха́ние, но жизнь безконе́чная, и, сподо́бльшеся узре́ти пресве́тлое лице́ Всеблага́го Го́спода и Влады́ки на́шего, па́дше со слеза́ми у ног Его́, в ра́дости и умиле́нии воскли́кнем: сла́ва Тебе́, дража́йший Искупи́телю наш, И́же за премно́гую любо́вь Твою́ к нам, недосто́йным, благоволи́л еси́ посла́ти А́нгелы Твоя́ в служе́ние спасе́нию на́шему! Ами́нь.
Молитва святому праведному Петру Калнышевского
О, Петре всеславне, праведниче достоблаженный! Услыши моление нас, грешных, добродетельное твое житие похваляющих, ратныя подвиги чтущих и страдания почитающих! Теплым твоим предстательством умоли Господа, да простит наши согрешения вольная и невольная и очистит нас от всякия скверны плоти и духа! Молим тя, Петре терпеливодушный, испроси нам у Христа в вере и благочестии крепкое стояние, в скорбех благодушие, в напастех терпение, в искушениих крепость, да соблюдет от суемудрых и душетленных учений, да сохранит сердца наша от соблазнов мира сего и да научит чистоте и целомудрию. Ей, угодниче Божий, исходатайствуй молитвами твоими у Христа Бога по молитвам Его Пречистой Матери Отечеству нашему мир и благоустроение и граду нашему благое стояние и от разрушений сохранение, всем же нам в правоверии, чистоте и целомудрии всегдашнее пребывание, избавление от козней диавольских и злобы человеческия, яко да и мы купно с тобою и всеми нашими святыми сродниками прославим Единосущную Троицу, Отца и Сына и Святаго Духа, во веки веков. Аминь.
Диа́кон: Прему́дрость.
Свяще́нник: Пресвята́я Богоро́дице, спаси́ на́с.
Ли́к: Честне́йшую херуви́м…
Свяще́нник: Сла́ва Тебе́, Христе́ Бо́же…
Лик: Сла́ва, и ны́не. Го́споди поми́луй (3). Благослови́.
Отпу́ст:
Христо́с, Истинный Бог наш, моли́твами Пречи́стыя Своея́ Ма́тере, предстательствы Небесных Сил бесплотных, свята́го равноапо́стольного вели́каго кня́зя Влади́мира, святаго праведнаго Петра Калнышевского и всех святы́х, поми́лует и спасе́т нас, яко Благ и Человеколю́бец.