Исх.№ 024 от 16.01.2015
Всем клирикам Запорожской епархии
Украинской Православной Церкви
РАСПОРЯЖЕНИЕ №03/2015
Украинская Православная Церковь, направляя народ Божий ко спасению, всегда научает и побуждает его любить Бога через любовь к ближнему и Родине. Руководствуясь словами апостола любви Иоанна богослова: «Аще кто речет, яко люблю Бога, а брата своего ненавидит, ложь есть: ибо не любяй брата своего, егоже виде, Бога, Егоже не виде, како может любити? … кто любит Бога, любит и брата своего» (1 Ин. 4:20-21), разделяя радости и горести своего народа, Матерь-Церковь призывает проявлять именно любовь и терпимость ко всем, независимо от их вероисповедания, национальности и политических предпочтений. Потому, каждый гражданин Украины должен понимать ответственность за происходящее в стране и за то будущее, в котором будут жить его дети. Наш долг сделать все, чтобы подрастающее поколение не было повреждено грехом братоненавистничества.
22 января – государственный День Соборности. Понятие «соборность» имеет глубокие онтологические корни, и является необходимой и составной частью в определении самой Церкви Христовой (см. Символ Веры). Соборность, кафоличность – это не просто универсальность, это свободное органическое единство, которое достигается только силой любви.
В связи с этим, ПРИЗЫВАЮ паству Запорожской епархии в этот день усилить свои молитвы, чтобы Господь наш Иисус Христос смилостивился над нами, послал всем нам мудрость и вразумление, а земле нашей — мир.
Епархиальному духовенству БЛАГОСЛОВЛЯЮ:
1. 22 января совершать молебное пение (Приложение) о мире в нашей многострадальной Украине;
2. Призвать народ к общей молитве, объяснить её значение и необходимость, раскрыть смысл соборности в жизни Церкви;
3. На предстоящих 22-му января службах пригласить народ Божий на молитву за Родину.
АРХИЕПИСКОП ЗАПОРОЖСКИЙ И МЕЛИТОПОЛЬСКИЙ
Приложение
МОЛЕБНОЕ ПЕНИЕ О УМНОЖЕНИИ ЛЮБВИ
Нача́ло обы́чное:
Диа́кон: Благослови́ влады́ко.
Иере́й: Благослове́н Бог наш всегда́, ны́не и при́сно, и во ве́ки веко́в.
Хор: Ами́нь.
Диа́кон: Сла́ва Тебе́, Бо́же наш, сла́ва Тебе́.
Хор: Царю́ Небе́сный:
Чтец: Трисвято́е: О́тче наш:
Иере́й: Я́ко твое́ е́сть ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Чтец: Ами́нь. Го́споди поми́луй (12 раз), Сла́ва: и Ны́не:, Прииди́те поклони́мся: Псало́м 50.
По псалме́ же Аллилу́иа, аллилу́иа, аллилу́иа, сла́ва Тебе́ Бо́же (три́жды)
Диа́кон же глаго́лет ектени́ю ми́рную.
По: О вели́ком господи́не:
— О богохрани́мей стране́ на́шей, власте́х , во́инстве и боголюби́вом на́роде ея́ Го́споду помо́лимся.
— О все́х правосла́вных христиа́нех, и́же во стра́не на́шей су́щих Го́споду помо́лимся.
— О Святе́й Правосла́вней Це́ркви и о благоспоспеше́нии Е́й в де́лех пропове́дания ева́нгельскаго уче́ния среди́ наро́да на́шего Го́споду помо́лимся.
— О е́же все́ятися в сердца́х люде́й оте́чества на́шего ду́ху любве́ к Бо́гу и бли́жнему своему́, попаля́ющему вся́кия ра́спри и разде́ления Го́споду помо́лимся.
— О е́же разуме́ти всем лю́дем ве́ру и́стинную и лю́бовь Бо́жию, я́же не и́щет зла и не ра́дуется о непра́вде Го́споду помо́лимся.
— О е́же искорени́тися в лю́дех ду́ху зло́бы и не́нависти, от него́же оте́чество на́ше мно́гими скорбми́ стужа́емо быва́ет Го́споду помо́лимся.
— О е́же насади́тися благода́тию Бо́жиею во украи́нской держа́ве на́шей ду́ху ми́рну и братолю́бия испо́лнену Го́споду помо́лимся.
— Заступи́, спаси́, поми́луй и сохрани́ нас Бо́же твое́ю благода́тию.
— Пресвяту́ю, Пречи́стую, Преблагослове́нную:
Иере́й: Я́ко подоба́ет Тебе́ вся́кая сла́ва, че́сть и поклоне́ние, Отцу́, и Сы́ну и Свято́му Ду́ху, ны́не, и при́сно, и во ве́ки веко́в.
Хор: Ами́нь.
Диа́кон: Бог Госпо́дь:
По: Бог Госпо́дь: Хор: Тропа́рь, гл. 4
О́браз любве́ на Кресте́ Свое́м ми́ру яви́в, в ми́ре, Влады́ко, упра́ви жи́тельство на́ше, благослови́ лю́ди твоя́ ти́хим и безмяте́жным житие́м, благода́тию Твое́ю огражда́я их от вся́кия крамолы́ и нестрое́ний, моли́твами Богоро́дицы, Еди́не Человеколю́бче.
Сла́ва: и Ны́не:
Не и́мамы ины́я по́мощи, не и́мамы ины́я наде́жды, ра́зве Тебе́, Влады́чице, Ты нам помози́, на Тебе́ наде́емся и Тобо́ю хва́лимся, твои́ бо есмы́ раби́, да не постыди́мся.
По тропаре́х, проки́мен Апо́стола, гл. 7:
Возлюблю́ Тя, Го́споди, Кре́посте моя́, Госпо́дь утвержде́ние мое́.
Стих: Бог мой помо́щник мой, и упова́ю на него́.
Апо́стол 1-го Посла́ния Иоа́нова, Зач. 72 (гл. 3, ст. 11-24)
Аллилу́иа гла́са. Стих: Возлюби́те Го́спода, вси преподо́бнии Его́.
Стих: Я́ко и́стину взыска́ет Госпо́дь, и воздае́т изли́ше творя́щым горды́ню.
Ева́нгелие от Иоа́нна, Зач. 46 (гл. 13. ст. 32-35)
По Ева́нгелии диа́кон глаго́лет ектению́ сию́: Рцем вси:
По: Еще́ мо́лимся о богохрани́мей стране́ на́шей: протодиа́кон глаго́лет сие́:
— Еще́ мо́лимся о е́же утиши́ти вся́кие раздо́ры среди́ наро́да на́шего, ду́ха же не́нависти и злопомне́ния соверше́нно искорени́ти и и́стинным братолю́бием лю́ди своя́ огради́ти, Ми́лостивый Го́споди, ско́ро услы́ши нас гре́шных и поми́луй.
— Еще́ мо́лимся о е́же сотвори́тися лю́дем наро́да на́шего и́стинным ученико́м Твои́м бы́ти, по святе́й за́поведи любо́вь друг ко дру́гу иму́ща, Влады́ко Человеколю́бче, услы́ши нас гре́шных и поми́луй.
— При́зри, Влады́ко Святы́й, на изсояхшую без любви́ зе́млю серде́ц на́ших, те́рнием не́нависти же, самолю́бия, и мно́гих беззако́ний лю́те олядене́вшую, и ка́плю благода́ти Пресвята́го Твоего́ Ду́ха испусти́в, ми́лостивно ороси́ ю, во е́же приноси́ти ей до́брый пло́д се́яния твоего́ в любви́ и единомы́слии, мо́лимтися, услы́ши нас гре́шных и поми́луй.
— Не оста́ви, Го́споди, лю́ди твоя́ в годи́ну испыта́ния и ра́спрей, по стезя́м своея́ греховны́я во́ли блужда́ти, но наста́ви ны покая́нием и любо́вию по пути́ благоче́стия и ми́ра до́бре ше́ствовати, и твою́ благу́ю во́лю всегда́ во уме́ свое́м име́ти, вся́каго же прило́га вражды́ и разделе́ния отбега́ти, мо́лимтися, услы́ши нас гре́шных и ми́лостивно поми́луй.
— Еще́ мо́лимся за всю́ бра́тию и за вся правосла́вныя христиа́ны.
Иере́й: Услы́ши ны Бо́же, упова́ние всех конце́в земли́:
Диа́кон: Па́ки и па́ки во умиле́нии серде́ц Го́споду помо́лимся.
Хор: Го́споди поми́луй (три́жды).
Иере́й чтет моли́тву:
О, Святы́й Влады́ко и Го́споди, Сокро́вище благи́х и жи́зни Пода́телю, Тво́рче не́ба и земли́, ви́димым же всем и неви́димым! При́зри ми́лостивно на лю́ди оте́чества на́шего, ко́их от лет дре́вних в днепро́вских вода́х сотвори́л еси́ в достоя́ние Себе́ Еди́ному И́стинному Бо́гу и Влады́це, явля́я наро́д свят, во благоче́стии и и́стенней ве́ре воспита́н, прине́сший Тебе́ досто́ин пло́д святы́х твои́х многразли́чными по́двигами жития́ своего́ на земли́ сей Твое́ Трисвято́е И́мя просла́вивших и ны́не с го́рними си́лами на небеси́ ту́южде хвалу́ Тебе́ принося́щих. Ве́мы, Царю́ Святы́й, яко дре́вний Изра́иль, мно́гажды любо́вь Твою́ преогорча́л еси́ и от того́ мно́гими скорбми́ обреме́н был еси́. Но и ны́не не оста́ви наро́ды украи́нския держа́вы на́шея в ско́рби и обстоя́нии бы́ти и расхища́емы от ра́спрей же и междуусо́бий, но все́х соедини́ у́зами любве́ твоея́; Обнови́ в серца́х на́ших бо́льшую за́поведь твою́, е́же люби́те Тебе́ Еди́ного И́стинного Бо́га и бли́жнего своего́ я́ко сам себе́, пошли́ лю́дем оте́чества на́шего ду́ха и́стиннаго покая́ния и стра́хом твои́м святы́м их огради́, да тем ми́лость твою́ улуча́т и поживу́т в ми́ре и благоде́нствии, прославля́я твое́ человеколю́бие и велича́я твое́ Пресвято́е И́мя Отца́ и Сы́на и Свята́го Ду́ха всегда́ ны́не и при́сно и во ве́ки веко́в. Ами́нь!
По моли́тве: диа́кон: Прему́дрость.
Иере́й: Пресвята́я Боро́дице, Спаси́ нас.
Хор: Честне́йшую:
Иере́й: Сла́ва Тебе́, Бо́же наш, Упова́ние на́ше, сла́ва Тебе́.
Хор: Сла́ва: и Ны́не: влады́ко, благослови́.
Иере́й твори́т отпу́ст.
