МОЛИТВА
Господу Вседержителю о мире и прекращении междоусобной вражды, чтомая в Неделю всех святых, в земле нашей просиявших
Священный Синод Украинской Православной Церкви распространил по епархиям текст молитвы о мире в Украине и благословил читать её на Богослужениях. Эту молитву читает Блаженнейший Митрополит Онуфрий — Предстоятель УПЦ.
Владыко Вседержителю, Господи многомилостивый, приими коленопреклонныя молитвы и смиренныя слезы наша, приносимыя пред Святым Алтарем Твоим в сие время беды и скорби народа Твоего, приими предстательство всех святых сродников наших, коих призываем ныне на помощь и заступление, дабы свет любве Твоея, явленныя на Кресте Твоем, просветил всякаго человека страждущаго в мире сем, во тьме вражды и беззаконий сущем.
Приими ходатайство святаго и благовернаго князя Владимира, крестителя и просветителя земли нашея; приими молитву страстотерпцев святых Бориса и Глеба, научающих не поднимати руки своея на брата своего; приими заступничество угодников Твоих Антония и Феодосия и с ними всех преподобных мужей и жен, слезами покаяния души свои паче снега убеливших; приими подвиги новомучеников и исповедников, страданиями своими спасительную веру в Тя нам сохранивших; приими прошения всех святых Церкве Твоея, трудами своими землю нашу освятивших. Наипаче приими молитвенный Покров Пресвятыя Матере Твоея, Владычицы нашея Богородицы и Приснодевы Марии, Ея же непостыдным предстательством люди Твоя многажды избавленни быша от всякия вражды и междуусобныя брани.
Услыши ны, Боже, Спасителю наш, и милостив, милостив буди Владыко ко всем страждущим и обремененным, и остави нам долги наша, научая и нас оставляти обиды должником нашим, и преклони гнев Твой на милость Твою, усмиряя всякия крамолы и нестроения в державе нашей, яко Ты еси един благий и человеколюбивый Бог наш, и Тебе славу возсылаем Отцу и Сыну и Святому Духу, ныне и присно и во веки веков. Аминь.
Молитва о прекращении междоусобныя брани
По благословению Святейшего Патриарха Московского и всея Руси Кирилла
Господи Иисусе Христе Боже наш, призри милостивным Твоим оком на скорбь и многоболезненный вопль чад Твоих, в земле украинстей сущих.
Избави люди Твоя от междоусобныя брани, утоли кровопролития, отврати належащия беды. Лишенныя крова введи в домы, алчущия напитай, плачущия утеши, разделенныя совокупи.
Не остави стадо Свое, от сродник своих во озлоблении сущих, умалитися, но скорое примирение яко щедр даруй. Ожесточенных сердца умягчи и к Твоему познанию обрати. Мир Церкви Твоей и верным чадам ея подаждь, да единем сердцем и едиными усты прославим Тя, Господа и Спасителя нашего во веки веков. Аминь.
ПОСЛЕДОВАНИЕ О УМНОЖЕНИИ ЛЮБВИ И О ИСКОРЕНЕНИИ НЕНАВИСТИ И ВСЯКОЙ ЗЛОБЫ
По благословению покойного Блаженнейшего Митрополита Владимира в храмах и монастырях Украинской Православной Церкви читается с 2014 г.
ТЕКСТ
Ектения великая:
Миром Господу помолимся.
О свышнем мире:
О мире всего мира:
О еже очистити нас от грехов и беззаконий наших, изсушающих в нас любовь к Богу и к ближним, водрузити же оную силою, действом и благодатию Пресвятаго Своего Духа и вкоренити в сердца всех нас, прилежно Господу помолимся.
О еже всеяти в нас и благодатию Пресвятаго Своего Духа вкоренити новую Своего Новаго Завета заповедь любити друг друга и не себе угождати, но о славе Божией и о созидании ближняго всегда ревновати, Господу помолимся.
О еже искоренити в нас ненависть, зависть, злобу и все прочие страсти, братолюбие разрушающия, и нелицемерную любовь всеяти, усердно Господу помолимся.
О еже теплую любовь к Богу и к ближним в нас благодатию Пресвятаго Своего Духа распалити, и тою все страсти душ и телес наших из корене сожещи, Господу помолимся.
О еже искоренити в нас страсть самолюбия, добродетель же братолюбия силою Пресвятаго Своего Духа вкоренити, сердцем сокрушенным Господу помолимся.
О еже не любити нам мира и всего яже в мире, но истинною любовию Бога и славу Его, и пользу и спасение ближних возлюбити, и на небеси уготованная благая присно зрети, и искати сих вседушно, Господу помолимся.
О еже принудити нас силою, действом и благодатию Пресвятаго Своего Духа не точию друзей и братий наших, но и врагов истинно любити, и ненавидящим нас благотворити, о них молитися, и о спасении их тщание имети, Господу помолимся.
О еже себе внегда внимати, себя окаявати и своя согрешения всегда зрети, себя пред Богом и пред всеми смиряти, брата никогдаже осуждати, но яко самаго себя того любити, силою, действом и благодатию Пресвятаго Духа, Господу помолимся.
О еже поревновати нам древних христиан к Богу и к братиям горящей любви, и наследниками и преемниками тех быти, не образом точию, но детельною истиною, силою, действом и благодатию Пресвятаго Духа, Господу помолимся.
О еже в правоверии непозыблемых, в мире и союзе любви горящих, и во всех добродетелях преспевающих нас всегда сохранити и от всех душетленных страстей невредимыми соблюсти, силою, действом и благодатию Пресвятаго Духа, Господу помолимся.
О избавитися нам:
Заступи, спаси:
Пресвятую, Пречистую:
Возглас: Яко подобает:
Тропарь, глас 4:
Союзом любви апостолов Твоих связавый, Христе, и нас Твоих верных рабов к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, Едине Человеколюбче.
Кондак, глас 5:
Пламенем любви к Тебе распали сердца наши, Христе Боже, да тою разжигаеми, сердцем, мыслию же и душею, и всею крепостию нашею возлюбим Тя, и ближних наших яко себя, и повеления Твоя храняще славим Тя, всех благ Дателя.
Прокимен, глас 7:
Возлюблю Тя, Господи, крепосте моя, Господь утверждение мое.
Стих: Бог мой, Помощник мой и уповаю на Него.
Соборного послания Иоаннова чтение (1 Ин. 3, 1, 10-11, 16, 18; 4, 9-11, 20-21).
Возлюбленнии, видите, какову любовь дал есть Отец нам, да чада Божия наречемся и есмы. Сего ради явлена суть чада Божия и чада диаволя. Всяк не творяй правды, несть от Бога, и не любяй брата своего. Яко се есть завещание, еже слышасте исперва, да любим друг друга. О сем познахом любовь, яко Он по нас душу Свою положи: и мы должны есмы по братии души полагати. Чадца моя, не любим словом, ниже языком, но делом и истиною. О сем явися любы Божия в нас, яко Сына Своего Единороднаго посла Бог в мир, да живи будем Им. О сем есть любы, не яко мы возлюбихом Бога, но яко Той возлюби нас, и посла Сына Своего во очищение о гресех наших. Возлюбленнии, аще сице возлюбил есть нас Бог, и мы должни есмы друг друга любити. Аще кто речет, яко люблю Бога, а брата своего ненавидит, лож есть: ибо не любяй брата своего, егоже виде, Бога, Егоже не виде, како может любити? И сию заповедь имамы от Него, да любяй Бога, любит и брата своего.
Или:
К Коринфянам послания святаго апостола Павла чтение, зач. 153 от полу (1 Кор. 13, 1-8а, 13; 14, 1а).
Братие, аще языки человеческими глаголю и ангельскими, любве же не имам, бых яко медь звенящи, или кимвал звяцаяй: И аще имам пророчество, и вем тайны вся и весь разум, и аще имам всю веру, яко и горы преставляти, любве же не имам, ничтоже есмь. И аще раздам вся имения моя, и аще предам тело мое во еже сжещи е, любве же не имам, никая польза ми есть. Любы долготерпит, милосердствует; любы не завидит, любы не превозносится, не гордится, ни безчинствует, не ищет своя си, не раздражается, не мыслит зла, не радуется о неправде, радуется же о истине, вся любит, всему веру емлет, вся уповает, вся терпит. Любы николиже отпадает. Ныне же пребывает вера, надежда, любы, три сия: больше же сих любы. Держитеся любве.
Аллилуия, глас 8:
Стих 1: Возлюбите Господа вси преподобнии Его.
Стих 2: Яко истины взыскает Господь.
От Иоанна Святаго Евангелия чтение, зач. 46 от полу (13, 34-35; 15, 12-14).
Рече Господь Своим учеником, заповедь новую даю вам, да любите друг друга: якоже возлюбих вы, да и вы любите себе. О сем разумеют вси, яко Мои ученицы есте, аще любовь имате между собою. Сия есть заповедь Моя, да любите друг друга, якоже возлюбих вы. Больши сея любве никтоже имать, да кто душу свою положит за други своя.
Вы друзи Мои есте, аще творити, елика Аз заповедаю вам.
Ектения сугубая:
Господи Боже наш, милостивно яко Благ призри на изсохшую в любви землю сердца нашего, тернием ненависти, самолюбия и неисчетных беззаконий люте оляденевшую, и каплю благодати Пресвятаго Твоего Духа испустив, богатно ороси сию, да будет плодоносна и возрастит от горящей к Тебе любви корень всех добродетелей, страх Твой, и о спасении ближняго неленостное попечение, всех же страстей и многообразных лукавств и лицемерия искоренение, прилежно яко всех благ Дателя молим, скоро услыши и человеколюбно помилуй.
Заповедь Твою любити друг друга давый Твоим ученикам, Владыко, обнови сию благодатию Пресвятаго Твоего Духа действительно в душах и в сердцах наших, да николиже о своей токмо пользе, но всегда о благоугождении Тебе и о спасении и пользе ближних наших попечение творити потщимся, молимся Тебе, Благодателю Милостивый, услыши и помилуй.
Первую и большую заповедь, любити Тебя, Бога и Творца нашего, от всея души, от всея мысли и крепости нашей, и вторую, подобную ей, любити ближних наших, яко самих себя даровавый нам, Владыко. Сам подвигни нас делом сия исполняти, да Тебе Спасу нашему угождающе и о спасении ближних наших ревнующе, обетованная Твоя получим благая, яко Владыце и Спасу нашему, прилежно припадающе, молимся, скоро услыши и помилуй.
Да совершени в любви к Тебе, Боже наш, будем, к ближним нелицемерную любовь иметь подвигни нас Твоего Духа благодатию, Владыко. К Тебе бо любовь имети мняйся, брата же своего ненавидяй, ложь есть и во тьме ходит. Тем же, Милостиве, любовию к Тебе и к братии распали души и сердца наши молимся, яко Милостив скоро услыши и яко Щедр помилуй.
Сице в нас Твою любовь силою благодати Пресвятаго Твоего Духа, всели, Всещедрый Господи, да не точию братию и друзей, но и врагов наших по Твоему Божественному повелению истинно любити и ненавидящим нас благотворити будет, и о спасении их искренно тщатися, молимся Тебе, благости Источниче в человеколюбия Пучино, скоро услыши и яко Благосерд помилуй.
Молитва Господу Иисусу Христу:
Господи Иисусе Христе Боже наш, давый ученикам Твоим заповедь новую любити друг друга, приими молитву сию во оставление грехов всех нас, правоверных рабов Твоих, и иссякшую в нас к Тебе и к братиям любовь Духом Твоим Святым обнови и крепко сию водрузи в сердца наши, да тою заповеди Твои исполняюще, не своей пользы на земле искати, но о Твоей славе и о созидании и спасении ближних ревновати будем, да тако в любви и мире со всеми в веке сем поживше, сподобимся, вкупе с угодившими Тебе, в горних обителях славити Тя и Безначального Твоего Отца и Святаго Духа в бесконечные веки веков.
***
МОЛИТВА О МИРЕ В УКРАИНЕ
(составлена архиепископом Сумским и Ахтырским Евлогием Украинской Православной Церкви)
Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем.
Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков.
***
МОЛИТВА ПРО МИР В УКРАЇНІ
Боже Святий, Отче Вседержителю, Сине Єдинородний і Душе Святий, що все у Твоїй владі тримаєш і про все піклуєшся Премудрим Твоїм Промислом, молимося Тобі за Богом бережену Державу нашу Україну, боголюбивий народ, владу і військо її, даруй їм, Господи, глибокий і невід’ємний мир, поклади їм на серце добре про Церкву Твою та про всіх людей Твоїх, щоб і ми в тиші і чистоті проводили життя наше у всякому благочесті і чеснотах.
***
ЛУКА, архиепископ Запорожский и Мелитопольский:
— Если бы каждый задал себе вопрос: «Что я сделал для мира не на словах, а именно на деле?»… часто слышишь, что «один в поле не воин»! Неправда — воин! Если в твоем сердце будет мир, если ты будешь стяжать этот мир, делиться этим миром с теми, кто находится возле тебя, а они уже — с теми, кто находится возле них, то это будет геометрическая прогрессия. Все будет больше и больше людей, которые стремятся к миру.
Мне бы очень хотелось, чтобы никто из нас на Запорожской земле не слышал свиста пуль и снарядов, раскатов взрывов, чтобы никто из нас не знал, как жить в ванне, не выходя оттуда, чтобы никто из нас не плакал о своих погибших сродниках.
Дорогие мои! Мне бы хотелось, чтобы каждый из нас своей молитвой, словом и делом, стал действительно созидателем мира на нашей некогда цветущей, а сейчас — многострадальной земле — Украине.
Бог есть любовь, и Церковь земная существует для того, чтобы учить этому, тех, кто ещё блуждает во тьме. В сегодняшний день Святая Церковь вновь и вновь призывает нас не ко вражде и брани, но к братской любви, взаимопониманию, ведь проявляя терпимость и любовь друг ко другу, молясь друг о друге, слыша друг друга, мы не только примем благодать Божию, но посрамим того, кому сладко видеть брата, убивающего брата — врага рода человеческого!
Дорогие моему сердцу, братья и сестры, запорожцы! Как архиерей я возношу молитвы у Престола Божия и от всего сердца прошу: «Господи, Иже Пресвятаго Твоего Духа в третий час апостолом Твоим ниспославый, Того, Благий, не отыми от нас, но обнови нас молящих Ти ся!». Пусть милость Божия пребывает на нас, и Он по милосердию Своему неизреченному дарует нам крепость душевную, мудрость, чувство ответственности, чтобы не искушенным нам быть смутой насаждаемой, а неся светильник веры сподобились мы облачиться в одежды, сотканные из любви, терпения, братолюбия и незапятнанные грехом!
Пусть лишь любовь будет управлять сердцами нашими!
